ទ្រឹស្តីស្នេហា និង ភាសាស្នេហា

ទ្រឹស្តីស្នេហា

មនុស្សគ្រប់រូបនៅលើភពផែនដី តែងតែជួបប្រទះរឿងស្នេហា អ្នកខ្លះជោគជ័យ ឯអ្នកខ្លះទៀត បរាជ័យ។ តើមានមនុស្សប៉ុន្មាននាក់ដែលយល់ពីអត្ថន័យនៃពាក្យ ស្នេហា ច្បាស់ ហើយ បាន ហែលឆ្លង ទីលានអារម្មណ៍ ដោយជោគជ័យ? មួយចំនួននៃអ្នក បរាជ័យ គឺមិនដែលគិត ថាចង់ជួប ឫ ប្រលូក រឿងស្នេហា សារជាថ្មីនោះឡើយ ព្រោះគេមិនចង់ធ្វើឲ្យបេះដូង និងចិត្ត របស់គេ ទទួល បរាជ័យ លើទីលានអារម្មណ៍ដ៏អាទ៏កំបាំងមួយនេះទៀតទេ។ ហើយគេតែងតែស្រែកសួរ ទៅពិភពលោកថា៖
ស្នេហា ជាអ្វី?
ស្នេហា គឺជាភាពសត្យានុម័តរបស់មនុស្សដែលមនុស្សគ្រប់រូបប្រាថ្នាចង់បាន។
ស្នេហា គឺជាការស្រលាញ់ពេញចិត្ត រវាងមនុស្សពីរនាក់ ចេញពីបេះដូង ។ ស្នេហា គឺជាផ្នែកមួយនៃសុភមង្គលផ្លូវអារម្មណ៍ ដែលមនុស្សគ្រប់រូបគង់នឹងជួបប្រទះនៅថ្ងៃណាមួយ។

ពាក្យថា ស្នេហា ត្រូវបានគេឲ្យនិយមន័យដោយឡែកៗពីគ្នា

ផ្នែកអក្សរសាស្ត្រ ត្រូវបានឲ្យនិយមន័យថា៖ ស្នេហា គឺជាសៀវភៅមួយក្បាល ដែលអានពីទំព័រដើមរហូតដល់ចប់ នៅតែមិនយល់ថាអ្វីទៅស្នេហាពិតប្រាកដ។​ ទាល់តែបានខ្លួនប្រាណគេ​ ទើបយើងយល់ពីរស់ជាតិស្នេហ៍​។ 

ផ្នែកប្រវត្តវិទ្យា ត្រូវបានឲ្យនិយមន័យថា៖ ស្នេហា គឺជាការធ្វើបដិវត្តន៏ ដើម្បីរំដោះភាពនៅលីវ។

ផ្នែកភូមិវិទ្យា ត្រូវបានឲ្យនិយមន័យថា៖ ស្នេហា គឺជាបាតុភូត រំជួលចិត្ត និងបេះដូង ក្តៅជាងភ្នំភ្លើង បង្កើតបានជាការពង្រាត់គ្នា។​

ផ្នែករូបវិទ្យា ត្រូវបានឲ្យនិយមន័យថា៖ ស្នេហា គឺជាកម្លាំងចលករប៉ឺតស្រូបខ្លាំងជាងទំនាញផែនដី

ផ្នែកគីមី ត្រូវបានឲ្យនិយមន័យថា៖ ស្នេហា គឺជាប្រតិកម្មមួយដែលបង្កើតឲ្យមានផ្ទៃពោះ។

ផ្នែកគណិតវិទ្យា ត្រូវបានឲ្យនិយមន័យថា៖ ស្នេហា គឺជាវិធី បូក ដក គុណ ចែក ធ្វើយ៉ាងណាឲ្យចាយប្រាក់តិចបំផុត តែទទួលបានបេះដូង និងខ្លួនប្រាណគេ។ ពីរនាក់បានហើយ។